Azərbaycan Respublikasının Mədəniyyət Nazirliyi və Azərbaycan Teatr Xadimləri İttifaqının təşkilatçılığı ilə 30 oktyabr 2026-cı il tarixində İttifaqın Mustafa Mərdanov səhnəsində Naxçıvan Dövlət Kukla Teatrının “Pələng” monotamaşası (müəllif: Ülviyyə Heydərova) Bakı tamaşaçılarına təqdim olunub.
Tamaşadan əvvəl çıxış edən Azərbaycan Teatr Xadimləri İttifaqının sədr müavini, Xalq artisti, professor İlham Namiq Kamal teatrsevərləri salamlayaraq Naxçıvan Dövlət Kukla Teatrının fəaliyyəti və yaradıcılıq ənənələri haqqında qısa məlumat verib, tamaşanın yaradıcı heyətini təqdim edib.
Səhnə əsəri tamaşaçılar tərəfindən maraqla qarşılanıb. İfaçının obrazın daxili aləmini, emosional yaşantılarını və əsərin əsas ideyasını səhnə dili ilə ifadə etmək bacarığı izləyicilərin diqqətini cəlb edib. Tamaşanın sonunda səslənən alqışlar yaradıcı heyətə ünvanlanan tamaşaçı rəğbətinin və sənətə verilən dəyərin ifadəsinə çevrilib.
Sonda İttifaqın sədri, Xalq artisti, Dövlət mükafatı laureatı Hacı İsmayılov, müəllif Ülviyyə Heydərova, Sənətşünaslıq elmləri doktoru, professor İlham Rəhimli yaradıcı heyət üzvlərini təbrik edib, onlara uğurlar arzulayıblar.
Monotamaşanın iştirakçısı İlqar Babayev tamaşanın uğurlu təqdimatına görə İttifaqın Fəxri fərmanı ilə təltif olunub.
Biz də öz növbəmizdə bu maraqlı teatr kollektivini urəkdən təbrik edir, onlara yaradıcılıq uğurları arzu edirik.
Azərbaycan Teatr Xadimləri İttifaqına isə bölgə teatrları ilə bizi yaxından göruşdurduyunə görə xususi təşəkkur edirik.
Belə.mədəni göruşlər tez tez olsun ki, yeni istedadları tanıyaq!
Təranə Feyzullayeva
Oxunub: 0
