Xəbər verdiyimiz kimi, Bakıda mebel sexində baş verən partlayış nəticəsində xəsarət alan 24 nəfər tibb müəssisələrinə yerləşdirilib.
10 nəfər Kliniki Tibbi Mərkəzə təxliyə olunub. Onlara bədənin çoxsaylı yanıqları və sınıqları diaqnozları qoyulub. Yaralıların yaxınları xəbəri eşidən kimi xəstəxanaya axın ediblər.
14 nəfər isə müxtəlif yanıq xəsarətləri ilə Nərimanov Tibb Mərkəzinin nəzdində fəaliyyət göstərən Yanıq Mərkəzinə təxliyə olunub.
Hazırda xəsarət alanların hər birinə zəruri tibbi xidmətin göstərilməsi davam etdirilir.
