Nuranə Şixəliyeva deputatlığa namizədliyini irəli sürüb

64 saylı Sabirabad ikinci Seçki Dairəsindən millət vəkilliyinə namizədliyini irəli sürmüş elm və təhsil işçisi, tanınmış ictimai-siyasi fəal Nuranə Şixəliyevanın xeyrinə bu gündən imza toplama konpaniyasına başlanıldı.

Bakı şəhəri H.Mahmudbəyov adına 2 saylı texniki-hümanitar elmlər liseyinin direktor müavini, Azərbaycan Alpaqut Federasiyasının birinci vitse prezidenti, “Əsgərə xatirə kitabı” layihəsinin rəhbəri Nuranə xanım Şixəliyeva 9 fevral 2020-ci ildə keçiriləcək növbədənkənar parlament seçkilərinə qatılıb.
Bu barədə Nuranə xanımın səlahiyyətli nümayəndəsi Etibar Toğrul saytımıza bildirib ki: “64 saylı Sabirabad ikinci Dairə Seçki Komissiyasının 21 dekabr tarixli iclasında Nuranə Şixəliyevanın namizədliyi təstiq edilərək, imza vərəqələri təqdim edilib. Bu gün imza toplama konpaniyasına start verdik. Ilk günümüzü uğurlu hesab etmək olar. Bu gün tələb olunan 450 imzadan 150 imza toplanıb. Üç gün müddətində 500 imza toplamaq niyyətindəyik. Çalışacayıq ki, topladığımız imzalar 64 saylı Dairənin bir neçə kəndini əhatə etsin. Hesab edirəm ki, komandamız heç bir çətinliklə üzləşməyəcək. Çünki, Nuranə xanım doğma el-obasına və oranın insanlarına bağlıdir. Ümüd edirik ki, seçicilər namizədimizin xeyrinə sevə-sevə imza verəcəklər. Onu da qeyd edim ki, Nuranə xanım bu Dairə üzrə ilk ərizə verən və ilk imza vərəqələri almış namizəddir. İmza toplama konpaniyası haqqında gündəlik məlumat verəcəyik.”

Oxunub: 567