Türkiyənin "Onur Air" aviaşirkətinə məxsus "Airbus-321" sərnişin təyyarəsi Antalya-Çelyabinsk reysini yetirə yetirərkən Volqoqradda (Rusiya) məcbur eniş edib.
"Report" "İnterfaks" agentliyinə istinadən xəbər verir ki, buna səbəb təyyarənin salonunda təzyiqin düşməsi olub.
Eniş zamanı xəsarət alan olmayıb. Sərnişinlər otellərdə və hava limanının terminallarında yerləşdirilib. Onları mənzil başına çatdırmaq üçün əlavə təyyarə göndərilib.
