Tərtərdə 14 yaşlı qızını döyərək zorlayıb hamilə qoyan Elnur Şirinovun cinayət işi üzrə ibtidai istintaq başa çatıb.
Open.az-ın məlumatına görə, E. Şirinov barəsində toplanmış cinayət işinin materialları baxılması üçün Gəncə Ağır Cinayətlər Məhkəməsinə göndərilib.
Cinayət işi hakim Kəramət Əliyevin icraatına verilib.
Məhkəmənin hazırlıq iclasının vaxtı yaxın günlərdə açıqlanacaq.
Qeyd edək ki, hadisə Tərtər rayonunda baş verib. İttiham aktına əsasən, E.Şirinov 14 yaşlı qızını döyərək zorlayıb. Məlumata görə, azyaşlı qız hamilə qalıb. 14 yaşlı qızın hamiləliyi dərmanla sonlandırılıb və ana bətnində tələf edilən uşaq elə həyətdəcə basdırılıb.
Hüquq-mühafizə orqanları əməkdaşları cinayəti törədən E.Şirinovu həbs edib. Onun barəsində zorlama və sağlamlığa qəsdən ağır xəsarət yetirmə maddələri ilə ittiham irəli sürülüb.
