Xəzər Universitetinin rektoru Dr. Raziyə İsayeva və Siyasi elmlər və fəlsəfə departamentinin müdiri Dr. Orxan Vəliyev 2026- cı il avqustun 31- də BP-nin vitse-prezidenti , Xəzər regionu üzrə regional vitse-prezidenti dosent Bəxtiyar Aslanbəyli ilə görüşmüşlər.
Görüş zamanı “BP Azərbaycan” ilə Xəzər Universiteti arasında mümkün əməkdaşlıq istiqamətləri, birgə layihələrin həyata keçirilməsi və universitetin BP-nin müxtəlif sosial, təhsil və ictimai layihələrində icraçı tərəfdaş (Implementing Partner) kimi iştirakı imkanları müzakirə edilmişdir.
Görüşün sonunda Xəzər Universitetinin rektoru Dr. Raziyə İsayeva universitet adından BP-nin vitse-prezidenti dosent Bəxtiyar Aslanbəyliyə xatirə hədiyyəsi təqdim etmişdir.
Görüş gələcəkdə “BP Azərbaycan” və Xəzər Universiteti arasında yeni əməkdaşlıq imkanlarının inkişaf etdirilməsi baxımından faydalı fikir mübadiləsi ilə yadda qalmışdır.
Oxunub: 2
