dini radikalizm və ekstremizmlə mübarizə

“Sizi gecə yatmağa qoymayan nədir?” sualına - Prezidentdən cavab

“Sizi gecə yatmağa qoymayan nədir?” sualına - Prezidentdən cavab


“Mən gecə rahat yatıram və oyaq qalmıram. Yox, həqiqətən belədir. Elədir ki, var”.

Bu sözləri Prezident İlham Əliyev ADA Universitetində keçirilən “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfransda Şotlandiyadan olan enerji təhlükəsizliyi üzrə ekspert Con Robertsin “Sizi gecə yatmağa qoymayan nədir?” sualını cavablandırarkən deyib.

Dövlət başçısı bildirib ki, gecə oyanmaq üçün ona səbəb yoxdur. Xüsusən də indi, belə bir dinc şəraitdə:

“Çünki Azərbaycan iki ildən çoxdur ki, o işğalın ağırlığını öz üzərindən atıb. Eskalasiya riski yoxdur, çünki ola bilsin, siz eşitmisiniz ki, işğal zamanı Ermənistanın yüksəkrütbəli rəsmiləri bizi “yeni ərazilər uğrunda yeni müharibə” ilə hədələyirdilər. Bu, hazırda cənab Paşinyanın həbs etdirdiyi Ermənistanın keçmiş müdafiə nazirinin kəlamıdır. Lakin həmin sözlər Azərbaycana açıq təhdid idi. Başqa çox yekəxana şərhlər də səsləndirildi ki, əgər müharibə başlasa, erməni tankları Bakının küçələrində olacaqlar. Əslində, bu lovğa şərhlər reallığa çevrildi. Erməni tankları Bakının küçələrinə gəlib çıxa bildi, amma hərbi parad üçün gətirdilər. İndi isə onlar Hərbi Qənimətlər Parkındadır.

Beləliklə, bu cür möhtəşəm Qələbədən sonra, gecəni yatmaq üçün istifadə etməməyin səbəbi yoxdur”.

Oxşar xəbərlər
SON XƏBƏRLƏR