“Bir il yarımdır Bakıda olmuram və əlbəttə ki, dəli kimi darıxıram. Anam “Kalaşnikov”un premyerası üçün Moskvaya uçdu. Ancaq çoxdandır atamı görmürəm. Düzü, insanlar üçün də darıxıram. Mənim üçün Bakı sevimli insanlarım, ailəm, qohumlarım, dostlarımdır. Mən onları çox görmək istəyirəm. Ancaq pandemiya ilə bağlı Azərbaycanda teatrların, ümumiyyətlə, işləməməsi məni üzdü. Moskvada salonun yüzdə 25-i dolur”.
KONKRET.az xəbər verir ki, bu fikirləri E. B.Vaxtanqov adına Moskva komediya teatrının aparıcı aktrisası, STS telekanalında yayımlanan “Rodkom” serialının baş qəhrəmanı Olqa Lerman rus mediasına açıqlamasında söyləyib.
İkinci Qarabağ müharibəsindən danışan aktrisa həyəcanını gizlətməyib: “Anamla hər gün danışırdım. O, çox fəaldır. Hadisələri diqqətlə izləyir. Mənə ətraflı məlumat verirdi. Nə yaxşı ki, müharibə tez və qələbə ilə bitdi”.
Oxunub: 362
