Gələn həftədən Ağ evin əməkdaşlarına və qonaqlarına şəxsi mobil qurğulardan istifadə qadağan olunacaq.
Modern.az xarici mediaya istinadən xəbər verir ki, bunu Ağ evin rəsmi nümayəndəsi Sara Sanders bildirib.
Sara Sanders bildirib ki, Ağ evin texnoloji sistemlərinin təhlükəsizliyi və bütövlüyü ABŞ Prezidenti Donald Tramp administrasiyasının əsas prioritetidir: “Bu səbəbdən gələn həftədən etibarən həm əməkdaşlar, həm də qonaqlar tərəfindən fərdi cihazlardan istifadə qadağan ediləcək. Administrasiyanın əməkdaşları öz fəaliyyətlərini hökumət tərəfindən verilən mobil qurğular vasitəsi ilə həyata keçirəcəklər”.
