Nailə Adilqızı - Ucalsın göylərə bu haqq səsimiz

Dünyanın ürəyindən qan axır

Bu dünyanı Yaradan, yaratdı yaşayasan.
İxtiyarın yox sənin dünyanı dağıdasan.
Ancaq yenə göstərir insan vəhşi xilqətin,
Torpaq üstə qan tökür, alır şeytan sürətin.

Dünya doyub topların, bombaların səsindən,
Susdurun bu səsləri nəfəs alsın dərindən .
Sərhəd çəkib hər dövlət torpaq üstə davadı.
Bilmirlər ki, bu dünya necə fani dünyadı.

Dünya süzür səmada gözlərindən qəm yağır.
Səmada gəzəgənlər dünyaya bir çür baxır.
Deyirlər, bu nə səsdi hərdən silkələnirsən,
Bizim kimi sən niyə sevinib, gülməyirsən?

Bilmirlər ki dünyanın ürəyindən qan axır.
Hər tərəfindən, hər gün gör neçə yara alır.
Sinəsində, dözülməz şeytanlar məskən salıb.
Hər atılan bombalar dünyanı yaralayıb.

Şikayət etmir heç vaxt yaşatdığı nadandan.
Fikirləşir cavabın özü verəcək dövran.
Fırlanır qəmli qəmli, səbri böyük dünyanın,
Səbri dolunca ancaq, almaq olmaz qabağın.

Hələ susur, danışsa od tökəcək dilindən.
Gözü doymayanların, gətirəcək gözündən.
Qan qusdurub alacaq şəhidlərin ahını,
Siləcək köklərini, dünyadan yer üzündən.

29.10.2020.


İgid əsgərlər

Dünya duysun bizim haqq səsimizi,
Geriyə yol yoxdu, ləngitmə bizi
Yolumuz haqq yolu, Vətən yoludu
Heç qüvvə ayırmaz bu yoldan bizi.

Yaşa Vətən oğlu, igid əsgərlər
Sizinlə fəxr edir vətən sevərlər
Qovun düşmənləri torpağımızdan
Topaqdan pay olmaz bunu bilsinlər.

Ucalsın göylərə bu haqq səsimiz
Haqq qalib gələcək, haydi irəli
Tanrıya əmanət hər əsgərimiz
Ruhunuz şad olsun şəhidlərimiz.

Səbrimiz tükəndi gözümüz döndü
Yağı düşmənlərin çırağı söndü
İndi ölüm belə qorxutmur bizi
Şanlı qələbələr səsləyir bizi.

Fərx etdim səninlə qəhrəman xalqım
Öz sözün dəyəndə Baş Komandanım
Birləşdik hamımız bir yumruq kimi
Döyüşə hazırdı hər Vətəmdaşın!

20.10.2020


Yüksələn bayrağım

Yaşa odlar yurdum Azərbaycanım.
Səndən ilham alır ürəyim, canım.
Var olsun yurdumun mərd oğulları,
Sizə əmanətdir vətən torpağı.

Od püskür nəfəsin yaxsın düşməni,
Bir də düşünməsin bizim vətəni.
Son olsun düşmənə bu verdiyin dərs,
Qızıl xətlə yazdın sən səlnaməni.

Qoru vətənmi yağı düşməndən,
Sizə əmanətdir hər zaman Vətən.
Mübariz ordumun qəhrəmanları,
Yaşatmaz vətənə xor baxanları.

Qaldır bayrağımı qoy dalğalansın,
Hər tərəf rəngindən nura boyansın.
Canını vətənə fəda edənlər,
Ruhunuz sevicdən payını alsın.

Yüksələn bayrağım bir də enməsin,
Üstünə duman çən bir də gəlməsin.
Səs sal Azərbaycan hürriyyətinlə,
Dünya, şöhrətindən desin, dövlətim.

02.11.20.


Azərbaycanımın qəhrəmanları

Ay mənim qəhrəman igid əsgərim,
Sənə sonsuz oldu sevgim, rəğbətim.
Canını vətənə qurban edənin,
Unutmaz adını, heç vaxt millətim.

Biz isti otaqda siz səngərdəsiz,
Uca zirvərlərdə, soyuq yerdəsiz.
Gecə də gündüz də şanlı ordumuz
Xalqın duasında, ürəyindəsiz!

Biz süfrə başında, siz döyüşdəsiz,
Tankların, topların dövrəsindəsiz.
Hər tikə kəsəndə,sizi düşünən,
Qəhrəman xalqımın ürəyindəsiz.

Düşünən hər kəsin fikirindəsiz
Xalqın diqqətində, nəzərindəsiz.
Haqqı tələb edən şanlı ordunun,
Ya qazi ,ya şəhid zirvəsindəsiz.

Xalqımın qəhrəman mərd oğulları,
Tanrıya xoş gəlir el duaları,
Hər kəsin duası sizinlə olsun.
Azərbaycanımın qəhrəmanları!

28.10.2020.


Şəhid

Ay ana, ağlama dik tut başını.
Şəhidlər ölmürlər tutma yasımı.
Ruhum ətrafında dolanır durur,
Halal et vətənə mənim qanımı.

Gedən cismim oldu ruhum səninlə,
Dua et yenə də sən öz dilinlə.
Hər kəsin bir alın yazısı olur,
Fəxr elə ay ana, sən Şəhidinlə.

Kimi əməlilə, kimi canıyla,
Kimi qələmiylə, kimi qanıyla.
Hər kəs bu vətənə xidmət etməli.
Gücü yetən qədər hər amalıyla.

Bir gözün ağlasa bir gözün gülsün,
Halaldı oğluna verdiyin südün.
Torpaqdan yaranan torpaq olacaq,
Bir şəhid yerinə min doğulacaq.

Vətənin başını uca tutanlar,
Ən ali rütbəyə layiq olanlar,
Ya şəhid oldular, ya da ki qazi.
Vətəni uğrunda canın qoyanlar!

Gülün qönçəsi tək açmadan soldun,
Ananın gözünü sən yolda qoydun.
Ruhun qarşısında baş əyirəm mən,
Ən uca məqama sən layiq oldun.

Şəhid adın mübarək, şəhid qardaşım,
Vətənin oğlusan, sən vətən daşım.
Yerdə qalmayacaq bir damla qanın,
Sizinlə fəxr edir Azərbaycanım!

21.10.20.


Zəfər çalan ulu dövlət

Səndən ayrı düşən millət
Dönəcəkdi bir gün mütləq
Doğma yurdum Qarabağım
Zəfər çalan ulu dövlət.

Dədəm Qorqud qopuz çalsın,
İgidlərin at oynatsın.
Qarabağın göylərində,
Bayrağımız dalğalansın.

Hər qarışın igid qanı,
İgidlər yazdı dastanı.
Otuz illik həsrət bitdi,
Səsləndir qara zurnanı.

Çal aşıq çal, səs sal elə,
İgidlərim yallı getsin.
Qızlar İsa bulağından,
Səhənglərdə su gətirsin.

Olsa da qış Xarı bülbül,
Qönçələr aç, ətirli gül.
Adın qoyan elin gəlib
Qarşılasın sona bülbül.

Xankəndidən Zəngi sədası
Bəzənib Şuşa qalası.
Xan əminin gəlsin səsi
Qarabağın şikəstəsi.

Oxunub: 2 586