“Tərəqqi” Sosial İqtisadi Araşdırmalar İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə 01.05.2019-cu il tarixindən Yeniyetmə və gənclərin sahibkarlıq və biznes fəaliyyəti ilə bağlı maarifləndirilmə tədbirlərinin keçirilməsi adlı layihəsinin icrasına başlayıb.
Djb.az xəbər verir ki, bu barədə Sosialxəbər.az-a layihə rəhbəri İndira Şəmsivari məlumat verib. Onun sözlərinə görə layihənin məqsədi yeniyetmə və gəncləri ölkəmizdə özəl bölmənin inkişafı ilə bağlı yaradılan əlverişli mühit barədə məlumatlandırmaq və şagirdlərə “sahibkarlıq”, “biznes”, “azad bazar” kimi anlayışları təlqin etmək, öyrətmək, bazar qanunlarını başa salmaq və onları gələcək həyata hazırlamaqdır. Layihə 3 ay davam edəcək.
