“Ermənistan mənəm! ” Tezliklə Madam Makunts belə deyəcək. Çünki hökümət onu Ermənistanın ABŞ-dakı fövqəladə və səlahiyyətli səfiri təyin etmək qərarına gəldi. Makuntsun pis insan deyil, lakin Makunts səriştəsiz bir siyasətçi, üstəlik səriştəsiz bir diplomatdır. Və ümumiyyətlə diplomat deyil! Savadsızlığının dəlili parlamentlərarası siyasət də daxil olmaqla müxtəlif səviyyələrdə xarici siyasətdə uğursuzluqlardır”.
KONKRET.az xəbər verir ki, bu sözləri keçmiş səfir Mikael Minasyan özünün facebook statusunda yazıb.
O, daha sonra yazır: “Paşinyan ona əvvəlcə Mədəniyyət Nazirliyini, sonra da fraksiyaya rəhbərlik etməyi əmanət etdi. Makunts Nikolun ingilis dili müəllimi olduğu üçün bu imtiyazlara sahib olub. Nikol ona qeyd-şərtsiz inanır. Bu səbəbdən də onu ABŞ-a göndərərək batan bir gəmini xilas etmək üçün iki supergüc (ABŞ-Rusiya) arasında açılan çirkli oyunda istifadə edir. Ona elə gəlir ki, böyük güclərin qarşıdurmalarının qovuşduğu Ermənistanı diletant Makunts xilas edəcək”.
Oxunub: 506
