Türkiyə müstəqil ölkə olaraq istədiyi raket sistemini ala bilər. ABŞ burada özünə bağlı bir Türkiyə xəyal etdiyi üçün S-400-ə qarşı çıxır.
Axar.az xəbər verir ki, bunu Türkiyənin Yeni Rifah Partiyasının başqanı Fatih Ərbakan bildirib.
"Türkiyə üçün önəmli olan tezliklə öz milli və yerli silahlarını istehsal etməsidir. Xarici ölkələrdən aldığınız silahlar tamamilə istehsalçı ölkənin nəzarətində olur. Mənbə kodları istehsalçı ölkənin əlində qalır. Təcili bir vəziyyətdə sistem yararsız hala gətirilə bilər. Bu səbəbdən lazım olan öz müdafiə sistemimizi, silahlarımızı, uzaq mənzilli raketlərimizi, tanklarımızı, təyyarələrimizi istehsal etməyimizdir. Əsl qurtuluş budur", - Ərbakan qeyd edib.
Oxunub: 517
