Kolumbiyanın paytaxtı Boqota şəhərində məşhur Hollivud aktyoru Mark Uolberqin iştirakı ilə “22-ci mil” filminin çəkilişləri aparılır.
Kult.az xəbər verir ki, Kolumbiya Prezidenti Xuan Manuel Santos çəkiliş meydançasını ziyarət edib.
Prezident aktyor və filmin rejissoru Peter Berqlə ayaqüstü söhbət edib. Söhbət zamanı Uolberq Kolumbiyanı çox bəyəndiyini və bura tezliklə yenidən gəlmək istədiyini bildirib.
Qeyd edək ki, Xuan Manuel Santos çəkiliş meydanında həmçinin film sənətinin incəlikləri barədə məlumatlandırılıb.