Növbəti və sonrakı üç il üçün hazırlanmış sosial-iqtisadi və makroiqtisadi proqnozlara görə, 2020-ci ildə ölkədə 4,6% inflyasiya səviyyəsi nəzərdə tutulub.
"APA-Economics"in məlumatına görə, bunu Maliyyə naziri Samir Şərifov Azərbaycan Prezidenti İlham Əliyevin yanında keçirilmiş iqtisadi müşavirədə çıxışı zamanı bildirib.
O, vurğulayıb ki, proqnoz nəzərə alınmaqla icmal büdcənin yuxarı həddinə yenidən baxmaq və müəyyən hədəfləri bəlirləmək mümkün olub.
Bundan əlavə, nazir qeyd edib ki, gələn il üzrə nəzərdə tutulmuş inflyasiyanın büdcə qaydasında nəzərə alınması üçün Azərbaycan Respublikasının “Büdcə sistemi haqqında” Qanununda müvafiq dəyişiklik edilməsi nəzərdə tutulub.
Oxunub: 539
