Dünyanın borc öhdəlikləri çox böyük həcmə çatıb.
Axar.az xəbər verir ki, bunu TASS agentliyinə müsahibəsində Beynəlxalq Valyuta Fondunun rəhbəri Kristin Laqard deyib.
“Dövlət və şirkətlərin borcu çox böyük həcmlərə çatıb. Biz indiyə qədər qlobal miqyasda borcun ümumdaxili məhsula belə münasibətini görməmişik. Çox ölkələr və şirkətlər yaxşı monetar siyasətin, aşağı faizlərin olduğu zaman çoxlu kredit götürüb. Həddən artıq kredit götürən ölkə və şirkətlər ağır situasiyaya düşəcəklər. Onlar öz kreditlərini ödəməyə başlayanda onun dəyəri artıq başqa olacaq”, – deyə o bildirib.
