Premyer Liqada növbəti mövsümün hazırlıqlarını davam etdirən “Şamaxı” klubunda qeyri-adi vəziyyət yaranıb.
Djb.az qafqazinfo.az-a istinadən xəbər verir ki, klubun baş məşqçisi Rüstəm Əliyev ola-ola komandanı təlim-məşq toplanışına Cavid Hüseynov çıxarıb.
Ötən mövsüm “Cəbrayıl”la Regional Liqanın çempionu olan çalışdırıcı müqavilə imzalamadan klubun başına keçib. Klubla 2023-cü ilə qədər müqavilə imzalayan Rüstəm Əliyev isə heç məşqlərə də dəvət almayıb.
Hələlik, Zaur Axundovun istefasından sonra yeni rəhbərliyi bəlli olmayan klubda özbaşınalıq hökm sürməkdə davam edir.
Qeyd edək ki, “Şamaxı” klubu bir neçə gün əvvəl yeni baş məşqçi olaraq Rüstəm Əliyevi açıqlamışdı. Onunla 1 illik müqavilə imzalanmışdı.
Oxunub: 1 262
