Ağdaşda yolu keçən 5 yaşlı uşağı avtomobil vuraraq öldürüb.
Bu barədə Daxili İşlər Nazirliyinin Mətbuat Xidmətinin Şəki regional qrupundan məlumat yayıb.
Qeyd edilib ki, hadisə aprelin 9-da saat Ağdaş şəhəri ərazisində baş verib.
Belə ki, sürücü Tural Muradov idarə etdiyi “VAZ-21011” markalı avtomobillə yolu keçən piyada, 2019-cu il təvəllüdlü Ə.Hüseynovu vurub.
5 yaşlı uşaq aldığı xəsarətlərdən bu gün səhər saatlarında xəstəxanada vəfat edib.
Faktla bağlı cinayət işi başlanılıb, araşdırmalar aparılır.
Oxunub: 56
