Saatlıda velosipedlə hərəkətdə olan əmioğlularını avtomobil vurub.
Djb.az Apa-ya istinadən xəbər verir ki, hadisə Saatlı rayonunun Şirinbəyli kəndində baş verib.
Hərəkətdə olan velosipeddəki Şirinbəyli kənd sakinləri, 2006-cı il təvəllüdlü Məmmədov Aqşin Sahib oğlu və 2007-ci il təvəllüdlü Məmmədov Xəyal Pənah oğlunu “VAZ-2107” markalı avtomobil vurub. Hər iki yeniyetmə müxtəlif xəsarətlərlə Şirvan şəhər xəstəxanasına yerləşdirilib.
Qeyd edək ki, sürücüsü nəqliyyat vasitəsini sərxoş halda idarə edirmiş. Faktla bağlı Saatlı polis şöbəsində araşdırma aparılır.
Oxunub: 2 525