Soçidə iki uşağın dənizdə axtarışı üçün çərşənbə günü səhər aviasiya cəlb ediləcək.
APA RİA Novosti-yə istinadən xəbər verir ki, bu barədə Rusiya Fövqəladə Hallar Nazirliyinin (FHN) Krasnodar diyarında verdiyi açıqlamada bildirilib.
Gün ərzində itkinlərin axtarışına FHN-in 140-dan çox şəxsi heyəti və 17 texnikası cəlb edilib.
Qeyd edək ki, ilkin məlumatlara görə, ötən gün axşam saatlarında 13-15 yaşlı iki uşaq Lazarevski kəndində dənizə axan Psezuapse çayından keçmək istəyərkən suya yıxılıblar. FHN-in məlumatına görə, dənizdə fırtına olduğundan uşaqlar sahildə axtarılır.
Rusiya İstintaq Komitəsi tərəfindən faktla bağlı araşdırma aparılır.
Oxunub: 421
