ABŞ prezidentliyi uğrunda mübarizə aparan sabiq dövlət başçısı Donald Tramp onun hakimiyyəti dövründə vitse-prezidentliyə namizəd ola biləcək altı nəfərin adını sadalayıb.
Bu barədə “Foks Nyus” məlumat yayıb.
“Düzünü desəm, bu insanların hamısı yaxşıdır. Yaxşıdırlar, etibarlıdırlar”, - deyə Tramp bildirib.
Siyahıya Trampın üç keçmiş rəqibi - Florida qubernatoru Ron DeSantis, senator Tim Skott və sahibkar Vivek Ramasvami daxil edilib.
Tramp həmçinin Cənubi Dakota qubernatoru Kristi Noem, Nümayəndələr Palatasının üzvü Bayron Donalds və Demokratlar Partiyasından 2022-ci ildə ayrılan Nümayəndələr Palatasının keçmiş üzvü Tulsi Qabbardı vitse-prezident postuna potensial namizədlər kimi göstərib.
Oxunub: 75
