Nigarandır
Nəğmə kimi ötür zaman ,
Mən həsrətəm , gör nə vaxtdan
Sim bağırır , deyir çoxdan ,
Tar da səndən nigarandır .
Dəlilərtək sənə vurğun ,
Ürəyində sən olduğun ,
Sevib sonra unutduğun ,
Yar da səndən nigarandır .
Kirpiyim nəm , yanağım yaş ,
Gözüm üstə buluddur qaş ,
Qış yetişir yavaş - yavaş ,
Qar da səndən nigarandır .
Ürək sevir , ruhum duyur ,
Hicran eşqin gözün oyur ,
Nəğmə qoşub bax , oxuyur ,
Tar da səndən nigarandır.
Oxunub: 560
