Oktyabrin 19-u 2007-ci il tarixdə gənc Əhmədovlar ailəsində gözəl bir gün yaşandı. Gənc ailənin ilk övladı Fərda bala dünyaya göz açdı. Babasının-nənəsinin ilk nəvə payı olan Fərda birinci sinifə 2014-cü ildə qədəm qoydu və hal hazırda 5-ci sinifdə təhsil alır. Dərslərini əla qiymətlərlə oxuyan Fərda gələcəkdə Naxçıvanski adına hərbi liseydə təhsil alıb, ali təhsilini Azərbaycan Ali Hərbi məktəbində davam etdirib, nümunəvi hərbiçi olmaq niyyətindədir. Fərda da bu peşəyə olan həvəs atası aprel şəhidi Əhmədov Rüstəm Oruc oğlundan qalıb. Hərbiçi olmaq peşəsini seçməkdə məqsəd atasının və cəmi şəhidlərin qisasını almaq, işğal altında olan torpaqlarrı ermənilərdən azad etməkdir. Eyni zamanda Fərda da vətənpərvərlik hissi ölkə istehsalı olan müharibə xarakterli kinolara baxmaqla biruzə verirdi.Baxışlarında nankor ermənilərə qarşı nifrət hissini görmək olar. İlləri, ayları, günləri saymaqla həddi buluğa çatıb, arzuladığı peşənin sirrlərinə yiyələnib, ermənilərin dərsini vermək gününü səbirsizliklə gözləyir.
Fərdanın ad gününə sinif yoldaşları ilə bərabər sinif rəhbərinin gəlişi səbəkarın sevincinə səbəb oldu. Qonaqlar Fərda balanı ad günü münasibətilə təbrik edib, dərslərində müvəffəqiyyətlər arzuladılar.
P.S. Bizdə öz növbəmizdə Fərda balaya can sağlığı, uzun ömür, dərslərində müvəffəqiyyətlər arzulamaqla yanaşı, arzuladığı zirvəni fəth etməyi Ulu Tanrıdan diləyirik.
Samin Tağıyev
