Ravin Həsənovu şəhidimizi ziyarət etməyə gedərkən tanıdım. Tez-tez qarşılaşdığımız bir deyim var bir insanı tanımaq istəyirsənsə onunla yol yoldaşı ol. Mən də yol yoldaşı olaraq onu incələdim. Beləcə yol yoldaşlığımız sosial şəbəkədə davam etdi. Hətta bir müddət Ravin şəhidlərimizlə bağlı keçirilən tədbirlər haqqında DJB.az-a məlumatda verirdi. Onun sayəsində Qazilərimizin hansı şəhid ailəsini ziyarət edəcəkləri və həmin tədbirdən olan məlumatları da bizə çatdırmaqla yanaşı o, məlumatları gənclərimizdə vətənpərvərliyi aşılamaq üçün həm sosial şəbəkədə paylaşırdı, həm də informasiya kimi xəbərlər saytımıza çatdırırdı.
Ravin bu gün bir çoxlarına örnəkdir. Mən onun kimi gənclərlə fəxr edirəm. Ravin özü neftçidir. İş günləri olmayan günlərini o şəhid ailələri ilə və şəhidlərimizi ziyarət etməklə keçirir. O, gələcəyimiz olan övladlarımıza örkən ola biləcək bir gəncdir.
Almaz İlahə Əhmədova
