Rusiyada son sutka ərzində 6 060 koronavirusa yoluxma halı qeydə alınıb. “Qafqazinfo” “RİA Novosti”yə istinadən bildirir ki, bu barədə Operativ Qərargah məlumat yayıb.
Yoluxanların sayına görə bu dəfə də Moskva şəhəri liderlik edir. Burada 3 570 nəfərdə koronavirus aşkarlanıb. İlk üçlüyə, həmçinin Moskva (709 nəfər) və Nijneqorod vilayətləri (129 nəfər) daxildirlər.
Ümumilikdə ölkədə 42 853 yoluxma halı, 361 ölüm halı (son sutkada 48) qeydə alınıb. Bununla yanaşı, son sutka ərzində 234 pasiyent sağalıb, ümumilikdə 3 291 nəfər.
Oxunub: 453
