İsrail Knessetində növbədənkənar səsvermədə seçicilərin fəallığı 69,4% təşkil edib.
APA “RİA Novosti”yə istinadən xəbər verir ki, bu barədə ölkənin Mərkəzi Seçki Komissiyasının açıqladığı məlumatda deyilir.
Bildirilir ki, fəallıq göstəricisi 2019-cu ilin aprelində keçirilmiş Knesset seçkiləri ilə müqayisədə 1,5% yüksəkdir.
Ekzitpol nəticələrinə görə, nə solçu (“Kahol-Lavan” partiyası, 120 yerdən 54-58 yer), nə də sağçı-dini (Netanyahunun “Likud” partiyası, 120 yerdən 54-57 yer) düşərgə parlamentdə çoxluq əldə edə bilib. İndiyə qədər yeganə neytral qüvvə sabiq müdafiə naziri Aviqdor Libermanın “İsrail – Bizim evimiz” partiyası olub. Onun hansı tərəflə birlik quracağı isə hökuməti kimin yaratmasından asılıdır.
Oxunub: 543
