Türkiyənin Dövlət Arxivləri Baş İdarəsi erməni iddialarına qarşı 204 orijinal sənədin yer aldığı araşdırmanı təqdim edib. İlk dəfə gün üzünə çıxan sənədlər erməni dəstələrinin Qars və Ərdahanda 30 min müsəlmanı qətlə yetirdiyini sübut edir.
Oxu.Az Türkiyə mətbuatına istinadla xəbər verir ki, “Arxiv Sənədlərinə Görə Köçə Gedən Yol” başlıqlı araşdırmada erməni “Hınçaq” və “Daşnaq” dəstələrinin 1915-ci ildə Anadoluda törətdiyi hadisələr təqdim edilir.
Məlumatlara görə, həmin hadisələr zamanı 30 min müsəlman kişi diri-diri basdırılıb. Həmin hadisələrlə əlaqədar erməni quldur dəstələrinin 21 üzvü yaxalanıb. Bu hadisələrdə ermənilərə rus qoşunları da yardım göstərib.
Bundan başqa, araşdırmada Sivas valisi Müəmmar bəyin 21 aprel 1915-ci ildə daxili nəzarət komitəsinə yazdığı rəsmi məktubdə erməni birliklərinin Sivasda 30 min ermənini silahlandırdığı, Suşehrdəki 16 erməni kəndinin inqilaba hazırlandığı bildirilib.
Qeyd edək ki, hər il 24-25 aprel tarixlərində dünyadakı erməni diasporu qonradma erməni soyqırımı ilə bağlı iddialar ortaya atır, dünya iliyini u yalanlara inandırmağa çalışır.
