Rusiya BMT-nin baş katibi Antonio Quterreşin Ukraynada “Pasxa humanitar pauzası” tətbiq etmək təklifini rədd edib.
Djb.az konkret.az-a istinadən xəbər verir ki, bu barədə aprelin 20-də Ukraynanın BMT-dəki daimi nümayəndəsi Sergey Kislitsa Twitter səhifəsində məlumat verib.
Kreml atəşkəs çağırışını “Kiyev millətçilərinə və radikallarına möhlət vermək istəyi” adlandırıb ki, onlar yenidən qruplaşa bilsin və yeni silah göndərişləri ala bilsinlər.
Xatırladaq ki, Antonio Quterreş Pasxa ərəfəsində mülki əhalinin döyüş bölgələrindən təxliyəsini təşkil etmək və humanitar yüklərin çatdırılması üçün aprelin 21-dən 24-dək Ukraynada atəşkəs elan etməyi təklif etmişdi.
Oxunub: 256
