Avqustun 22-də Qafqaz Müsəlmanları İdarəsinin sədri, Şeyxülislam Allahşükür Paşazadə Rusiyanın Qroznı şəhərinə yola düşüb.
Djb.az xəbər verir ki, QMİ-dən “Qafqazinfo”ya verilən məlumata görə, səfərin əsas məqsədi bu gün, avqustun 23-də Çeçenistanın birinci prezidenti, Rusiya Qəhrəmanı Əhməd Kadırovun anadan olmasının 70-ci ildönümü münasibətilə keçiriləcək tədbirdə iştirak etməkdir.
Şeyxülislam Allahşükür Paşazadə Çeçenistanın paytaxtına gələn Qafqaz Xalqları Ali Dini Şurasının üzvləri - RF Şimali Qafqaz regionunun müftiləri ilə görüşüb.
Səmimi dostluq şəraitində keçən görüşdə bu gün, avqustun 23-də Çeçenistanın birinci prezidenti Əhməd Kadırovun məzarını birgə ziyarət etdikdən sonra Şuranın iclasını keçirmək qərarlaşdırılıb.
Oxunub: 444
