Türkiyə ordusu İraqın şimalında PKK terrorçularına ağır zərbələr endirir.
Djb.az axar.az-a istinadən xəbər verir ki, bunu “A Haber”in jurnalisti Kərim Ulak deyib.
O bildirib ki, 1990-cı illərdə Türkiyə ordusu bölgədə minlərlə hərbçi ilə “Axtar, tap, yox et!” əməliyyatlarını keçirirdi:
“Əməliyyatlar qurtardıqdan sonra əsgərlər geri qayıdırdı. O dövrlərdə əməliyyatlar tamamilə xaricdən alınan silahlarla aparılırdı. İndi isə Türkiyə müdafiə sənayesinə məxsus silahlarla əməliyyatlar keçirilir. PUA-lar üzərinə düşən vəzifəni layiqincə yerinə yetirir. Bundan başqa, 40 kilometr mənzilli “Fırtına” topları türk hərbçilərinin önünü açır”.
Jurnalist qeyd edib ki, Metina-Avaşin bölgəsinə türk ordusu qurudan girib:
“Bu bölgə niyə əhəmiyyətlidir? Terrorçular bildirirdi ki, 30 il keçsə belə, türk ordusu bura girə bilməz. Artıq Türkiyə ordusu bu bölgədə addım-addım irəliləyir. Ərazi dağlıq bölgədir. Bundan başqa, minlərlə mina basdırılıb, mağaralarda tələlər qurulub. Türk əsgəri bunlarla mübarizə aparır”.
Oxunub: 508
