dini radikalizm və ekstremizmlə mübarizə

Azərbaycanda polis əməkdaşları QƏZAYA DÜŞDÜ - Ölən və yaralanan VAR

Azərbaycanda polis əməkdaşları QƏZAYA DÜŞDÜ - Ölən və yaralanan VAR

Oğuz rayonunda ölümlə nəticələnən yol qəzası baş verib.

Djb.az konkret.az-a istinadən xəbər verir ki, hadisə səhər saatlarında Oğuz-Şəki avtomobil yolunun rayon ərazisindən keçən hissəsində qeydə alınıb.

Rayonun Filfilli kənd sakini, 1995-ci il təvəllüdlü Şamxal Sərdar oğlu Seyidəliyev idarə etdiyi “Mercedes” markalı avtomobillə hərəkətdə olarkən maşın yol kənarındakı ağaca çırpılıb. Hadisə nəticəsində gənc sürücü aldığı ağır xəsarətlərdən hadisə yerində ölüb. Onun sərnişini, rayonun Yemişənli kənd sakini, 1998-ci il təvəllüdlü İbrahim Nizami oğlu Səfərov müxtəlif xəsarətlərlə Oğuz Rayon Mərkəzi Xəstəxanasına yerləşdirilib.

Yol qəzasında ölən və yaralanan şəxslərin polis əməkdaşı olduğu məlum olub.

Məlumata görə, qəzada ölən 1995-ci il təvəllüdlü Şamxal Sərdar oğlu Seyidəliyev, xəsarət alan isə 1998-ci il təvəllüdlü İbrahim Nizami oğlu Səfərov Oğuz Rayon Polis Şöbəsinin əməkdaşları imiş.

Faktla bağlı Cinayət Məcəlləsinin müvafiq maddəsi ilə cinayət işi başlanılıb.

Daxili İşlər Nazirliyinin Mətbuat Xidmətinin Şəki regional qrupunun baş inspektoru, polis baş leytenantı Mahir Mənsimov “Report”a faktı təsdiqləyib.

Oxunub: 2 149
Oxşar xəbərlər
SON XƏBƏRLƏR