Gürcüstanın Acarıstan Muxtar Respublikasının Xelvaçauri rayonunun Kveda Coço kəndində torpaq sürüşməsi nəticəsində 5 nəfər ölüb.
APA-nın yerli bürosu xəbər verir ki, bu barədə Gürcüstanın İctimai televiziyası yerli sakinlərə istinadən məlumat yayıb. Bildirilib ki, həlak olanların 3-ü yaşadığı evdə, 2-si isə avtomobilində olduğu vaxt 200 metr yüksəklikdən düşən torpaq kütləsinin altında qalıb. Hazırda Gürcüstan Fövqəladə Halların İdarəetməsi Xidmətinin xilasetmə bölmələrinin ərazidə axtarış xilasetmə tədbirlərini davam etdiyi bildirilir.
Oxunub: 463
