Gədəbəydə piyadanın vurulması ilə nəticələn yol qəzası baş verib.
APA-nın məlumatına görə, hadisə rayonun Slavyanka kəndində qeydə alınıb.
Hərəkətdə olan “VAZ 2106” markalı minik maşını yolu keçmək istəyən kənd sakini, 1991-ci il təvəllüdlü Şabanova Nuranə və onun qızı, 2014-cü il təvəllüdlü Şabanova Laləni vurub.
Yaralılar xəstəxanaya yerləşdirilib, vəziyyətlərinin kafi olduğu bildirilir.
Hadisə yerinə DYP əməkdaşları cəlb olunub.
Faktla bağlı araşdırma aparılır.
Oxunub: 532
