Son iki ildə Nikol Paşinyan iki mətbuat katibini (Arman Yeqoyan və Vladimir Karapetyan) dəyişib. İndi bu postu Mane Gevorqyan tutur. Əvvəlkilərdən fərqli olaraq o, Paşinyanın “efirdə asılmış məlumatlar” hiyləsindən istifadə edərək tez-tez siyasi bəyanatlar verir. Bəyanatlarında Mane müxtəlif siyasi xadimlərin ünvanına daş atır. İndi həmin şəxslər mətbuat katibinə və Paşinyan hökumətinə qarşı iddia qaldırıb.
KONKRET.az xəbər verir ki, bu haqda məlumatı Ermənistanın “Qraparak” qəzeti yazıb.
Datalex məhkəmə məlumat sisteminə görə, iddiaçılar arasında Dövlət Gəlirlər Komitəsinin keçmiş sədri Qagik Xaçatryanın oğulları – Artem və Qurgen də var. İddia məhkəmə iclasında qəbul edilib, işə Serqo Yeritsyanın oğlu hakim Sarkis Yeritsyan baxacaq. Məhkəmə iclası iyulun 31-də olacaq.
Digər iddiaçı “Vətən” partiyasının qurucusu Artur Vanetsyandır. Bu iddia da məhkəmənin icraatında qəbul edilib, iş hakim Lilit Sarkisyana verilib, lakin məhkəmə iclasının tarixi hələ təyin edilməyib.
Hər iki iddiaçı böhtan faktını özündə cəmləşdirən məlumatları təkzib etmələrini tələb edir.
Oxunub: 429
