Bakıda 83 yaşlı kişini maşın vurub.
APA-nın məlumatına görə, hadisə paytaxtın Suraxanı rayonu, Yeni Suraxanı qəsəbəsində qeydə alınıb. Şəhər sakini, 1993-cü il təvəllüdlü Mirhəmzə Ağamalızadə idarə etdiyi "BMW-745" markalı avtomobillə yolu piyada keçən 1937-ci il təvəllüdlü Ramiz Rəhimovu vurub.
Piyada 3 saylı Şəhər Kliniki Xəstəxanasına yerləşdirilsə də, orada ölüb.
Faktla bağlı Suraxanı rayon Polis İdarəsində Cinayət Məcəlləsinin 263.2-ci( yol istismar qaydalarını pozma, zərərçəkmişin ölümünə səbəb olduqda) maddəsi ilə cinayət işi başlanıb.
Oxunub: 427
