Novruz bayramı ərəfəsində imzalanmış əfv fərmanı bir çox ailələrə sevinc bəxş etdi. Əfv olunmuş şəxslərin ailələri ilə birlikdə bu əfv fərmanını səbirsizliklə gözləyən bizi - ictimaiyyəti də( xüsusən də siyasi məhbusların əfvi) sevindirdi. Şəxsimə gəldikdə isə qadınların əfv olunmasına daha çox sevindim.Heç bir xanıma " bağlı qapılar arxasında " qalmağı arzu etmirəm. Əfv olunanlar içərisində sabiq Səhiyyə naziri Ə.Insanovun olmasına da düzü əvvəlcə sevindim, sonra isə yersiz iddialı müsahibələrini oxuyub , keçmişi xatırladım. Düzdür, heç zaman " insanın keçmişinə görə ona qiymət vermək" niyyətindən çox- çox uzağam.Amma Ə.Insanovun keçmişdə etdiklərini bu gün də bu və ya digər səpkidə təkrarlamaq iddiasını xatırladım... Rusiyanın tələblərinə uyğun olaraq klanın yaradılması( əslində " klan" yaratmaq normaldır , amma şəxsi mənafe naminə , vəzifədə qalmaq xatirinə yox ) , səhiyyədə rüşvətxorluq və korrupsiya , orqan və qan alverinin təşkili və bunun şaxələndirilməsi. Düzdür, respublikada ilk " Vərəm dispanserinin yaranması " da onun adı ilə bağlıdır. Təəssüf ki , bu yüzlərlə mənfiliyin qarşısında çox cılızdır. Çıxdıqdan sonra da ənənəsinə sadiq qalaraq, bu dəfə Qərbin diktəsini səsləndirir ( Bu cür insanlar həmişə mənafe naminə" yıxılmağa " yer axtarır ) və elə Qərbə də bu " intiriqa" lazımdır. Əgər Ə.Insanov belə nüfuz sahibidirsə və sözü keçərlidirsə , qoy öz " hamilərindən" şəxsi maraqlarını yox , bütün Beynəlxalq təşkilatlardan Qarabağın - Irəvanın , Zəngəzurun qaytarılması üçün səy göstərmələrini tələb etsin.Və sonda mətbuatın da bu işdə səhvi var. Bu " niyyəti " başa düşməmək mətbuatın ən böyük səhvi oldu. Belələrinə imkan verilməməlidir
Mehriban Sadıqova
Talkaz TV-nin icraçı direktoru