Türkiyə və Azərbaycan dövlətləri arasındaolan tarixi dostluq, yüksək səviyyəli əməkdaşlıq illər keçdikcə möhkəmlənir və Ümummilli Lider Heydər Əliyevin “Bir millət, iki dövlət” fikrini hər an sübut edir.Burada hər iki dövlətin başçılarının əməyi və siyasi bacarığı da böyük rol oynayır. Ölkəmiz arasında olan əlaqələrin bu şəkildə inkişafı təkcə dövlətlərin yox, eyni zamanda regionunda ümumi tərəqqisinə, sabitliyin qorunmasına təsir edir.
2020-ci il 27 sentyabr tarixindən-II Qarabağ müharibəsi başladığı gündən etibarən də,Türkiyə dövlət və millət olaraq daima Azərbaycan xalqının yanında olmuşdur. Bu haqq savaşında ən böyük dəstəkçimiz olmuşdur. Müharibə dövründə ilk günlərdən Türkiyə Prezidenti açıqlamalar verdi ki, Azərbaycan yalnız deyil, Türkiyə Azərbaycanın yanındadır.
44 gün davam edən müharibədə də, bunu dönə-dönə sübut etdi. Bu addım eyni zamanda bir çoxları üçün mesaj oldu. Mesaj oldu ki, qarışmayın, müdaxilə etməyin. Türkiyənin Müdafiə Nazirinin,Xarici İşlər Nazirinin və başqa yüksək vəzifəli rəsmilərin Azərbaycana dəstək verməsi çox böyük siyasi və mənəvi dəstək oldu.
Türkiyə bugün dünya miqyasında güc mərkəzi kimi, bütün bölgələrdə, o cümlədən bölgəmizdə çox müsbət rol oynayır və bu amil də bölgənin sabitliyi üçün çox önəmlidir. Türkiyə Müdafiə Nazirliyindən 100-dən çox mütəxəsis Azərbaycana ezam edilib və ordumuzun inkişafına öz tövhələrini verməkdə davam edirlər.
Türkiyə ilə maddi-texniki əməkdaşlığımız da davam edir. Müasir texnikaların alınıb gətirilməsi düşməndən azad edilmiş Qarabağ ərazisində mina təmizləmə işini daha da asanlaşdıracaq. Regionun gələcək inkişafı, inteqrasiya layihələrinin icrası ilə bağlı iki qardaş dövlət arasında heç bir fikir ayrılığı yoxdur.
Ümumiyyətlə postmüharibə dövrü doğurdanda yeni imkanlar açır. Əməkdaşlıq, qarşılıqlı ticarət, kommunikasiyaların açılması, yeni nəqliyyat dəhlizlərinin yaradılması üçün çox nadir imkanlar yaradır.
Azərbaycan üçün streteji önəm daşıyan Fizuli-Şuşa avtomobil yolunun inşası ilə bağlı türk şirkətləri artıq fəaliyyətdədirlər. Eyni zamanda, Göygöl-bölgəsindən Kəlbəcərə çəkilən yolda da türk şirkətləri fəaliyyət göstərirlər.
Müharibə dövründə bütün dünya Türkiyə müdafiə sənayesinin kefiyyətini gördü. Bu artıq sirr deyil ki, Türkiyə istehsalı olan müdafiə sistemlərindən Azərbaycan məharətlə istifade edib və bununla müharibədə çox böyük üstünlük qazanmışdır.
Biz bir xalq, millət olaraq Türkiyə dövlətinə göstərdiyi bütün dəstəyə görə bir daha təşəkkürümüzü bildiririk. Azərbaycan Respublikasının prezidenti Cənab İlham Əliyev qeyd etdiyi kimi - Bizi birləşdirən həm tarixi köklər, həm mədəni əlaqələr, həm keçmişimiz, həm də bu günümüzdür!
Var olsun Azərbaycan və Türkiyə qardaşlığı!
Aqşin Əkbərov.
Biləsuvar rayon Xırmandalı kənd 1 saylı tam orta məktəbin direktoru.
Oxunub: 755