Cəlilabad Rayon İcra Hakimiyyətinin təşkilatçılığı ilə “18 oktyabr - Dövlət Müstəqilliyi Günü” ilə əlaqədar Cəlilabad-Uzuntəpə avtomobil yolunda "Gələcəyimiz üçün ağac əkək" adlı ağacəkmə aksiyası keçirilib.
Aksiya zamanı 2000 ədəd şam və küknar ağacı əkilib. Əkilən ağaclara lazımi aqro-texniki qulluq göstərilməklə suvarılıb və dayaqlarla bərkidilib.
Gündən-günə müasirləşən Cəlilabad şəhərinin yaşıllaşdırılması üçün böyük töhfə olan belə aksiyaların, davamlı keçirilməsinin əhəmiyyətindən danışan rayon Gənclər və İdman idarəsinin rəisi Elçin Hüseynov aksiyaya könüllü olaraq qatılan çoxsaylı gəncə təşəkkürünü bildirib.
Qeyd edək ki, aksiyada 40-a yaxın gənc iştirak edib.
