Dostum Nuranə! Sənin haqqında danışarkən ilk növbədə jurnalist kimi istedadından söz açmaq istərdim.
Sənin haqqında danışmaq Azərbaycan mətbuatının bu günü haqqında düşüncələrə dalmaq deməkdir. Zəngin tarixi ənənələri olan, cəmiyyətimizin inkaşafında, Azərbaycanda idmançılarımızın xarici ölkələrdə qazandığı qələbələri mətbuatda işıqlandırmaqla ölkəmizdə idmanın inkişafına və idmançılara dəstəy olmaqından bir daha xəbər verir.
Maraqlı mövzuların qıtlığı duyulan, klassık jurnalistikanın tələblərinə cavab verməyən, mədh və ya qərəz yazılarına meydan açılan bir dövrdə nə yaxşı ki, ara-sıra da olsa əsl jurnalist məqalələrinə, publisist qeydlərinə də təsadüf olunur. Onları səhrada su tapmış adamın yanğısı ilə oxuyur, minnətdarlıq hissi keçirirsən. Qələmi ilə söz göyərdənlərin, mətbuatımızın bu “sonuncu mogikan”larının həmişəki əzmlə çalışdıqlarına ürəkdən sevinirsən. Onlardan biri sənsən. Azərbaycanda az adam tapılar ki, jurnalist Nura imzası ilə tanış olmasın. Oxuculara Azərbaycan mədəniyyətinin, ədəbiyyatının, mətbuatının problemləri, onun görkəmli nümayəndələri haqqında bir-birindən maraqlı və məzmunlu yazılar təqdim edirsən. Öz üslubu, bənzərsiz dəst-xətti, ilə seçilən bu yazılarını mətbuatımızın inciləri hesab etmək olar. Sənin zəhmətkeşliyinə çoxları həsəd apara bilər. Məhsuldarlığın bu zəhmətkeşliyinin nəticəsidir. Səni tanıyanlar redaksiya stolu arxasında saatlarla eyni vəziyyətdə qələmə sarıldığını görməyə adət ediblər. Səni bir çox həmkarlarından fərqləndirən bir xüsusiyyət də var: adətən yazılarını birbaşa diqtə edirsən. Diqtə prosesində onların redaktəsi ilə də məşğul olursan. Bu da bir istedaddır. Sözləri mənasına uyğun olaraq inci kimi yanaşı düzə bilmək, məntiqlə və rəvan danışmaq hər kəsin hünəri deyil. Bu, natiqlik məharətidir. Dostum, sən mənim üçün vətənə məhəbbətin, ona sonsuz sədaqətin bariz nümunəsisən. Meyarların dəyişdiyi, dostların azaldığı, çox şeylərin təmənnaya söykəndiyi bu dünyada nə yaxşı ki, varsan.
İmza: EMİN HAQQ (RAMAZANOV)
