Gürcüstanda son sutkada koronavirusa 478 yeni yoluxma faktı təsdiqlənib, 211 nəfər sağalıb, 6 pasiyent isə vəfat edib.
“Report” xəbər verir ki, bu barədə Gürcüstan hökumətinin xüsusi rəsmi saytında bildirilib.
Bununla da qonşu ölkədə COVID-19-a ümumi yoluxma göstəricisi 12 272 nəfərə çatıb. Sağalanların sayı 6 538, vəfat edənlərin sayı isə 91 olub.
Hazırda karantində 5 590, tibbi nəzarətdə isə 836 nəfər saxlanılır. Xəstəliyi simptomsuz və ya yüngül keçirən 1 393 nəfər isə xüsusi otellərdə müalicə olunur.
Oxunub: 407
