Çərşənbə axşamı Fransada koronavirus infeksiyası ilə əlaqəli iki yeni hadisə aşkarlanıb.
APA RİA Novosti-yə istinadən xəbər verir ki, bu barədə Fransa Səhiyyə Baş direktoru Jerome Salomon yerli televiziyaya açıqlamasında bildirib.
Onun sözlərinə görə, yoluxanlardan biri fevralın 7-də Fransaya gələn çinli qadındır. Hazırda Parisdə xəstəxanaya yerləşdirilib.
İkinci xəstə isə ölkəyə İtalyanın Lombardiya bölgəsindən qayıdan fransızdır. O isə Fransanın cənub-şərqindəki Auvergne-Rone-Alpe bölgəsində xəstəxanada nəzarət altındadır.
İspaniyada da yeni virusa yoluxanların sayı artıb.
Ötən gün İspaniyanın Tenerife adasında (Kanar adaları) 5 yoluxma hadisəsi qeydə alınıb.
Sanitar nəzarətə götürülən xəstələrin İtaliyadan qayıtdıqlar bildirilir.
Oxunub: 410
