Martın 9-da Belorusda şaxtada dağıntılar altında qalan iki şaxtaçı ölüb.
APA-nın "Belta" agentliyinə istinadən verdiyi məlumata görə, bunu bu gün "Belaruskaliy" şirkətinin direktoru İvan Qolovatıy bildirib.
Cümə günü 10 saylı sahədəki şaxtada qəfil qaz püskürməsi baş verib. Həmin vaxt şaxtada 1973 və 1985-ci il təvəllüdlü iki fəhlə olub. Bu gün onların cəsədləri dağıntılar altından çıxarılıb.
Faktla bağlı cinayət işi açılıb.
