Ay kişi, ruzunu Allah kəsməyir, Ruzunu da kəsən bəndədir, bəndə. Millətin beynini ağacdələn tək, Taq-taq döyəcləyən bəndədir, bəndə.
Tikan üzərində oturub millət, Canlara işləyir xəstəlik, illət, Təqsirkar kimdir ki, soruşur dövlət! Cavabım seçdiyin bəndədir, bəndə.
Ömrümüz heç oldu, doğrandı həyat, Dilbilməzə bunu ha de, ha anlat, Gecə saat üçdən on iki saat, İşləyən, tər tökən bəndədir, bəndə.
Qızıl qabda yeyən oğruya, pisə, Bir söz deyən kimi gopçuya nəsə, Dar ağacı hazır doğruya, düzə, El ağzını tikən bəndədir, bəndə.
Şair Fuad, haqlı kəsə din deyir, Haqqını tələb et, günün gün deyil, Müsibəti bizim üçün cin deyil, Bunu qəsdən edən bəndədir, bəndə. [08:41, 23.10.2023] Djb 2: Məni Tanrı sevsin
Neynirəm bəndənin saxta sevgisin? Məni Tanrı sevsin, tək Allah sevsin. Özümü gözlərə soxmağım da yox, Yalvarmıram məni padişah sevsin.
Beş nəfər sevməsə axı nolar ki, Qorxmayın, qurumaz göllər, sular ki, Həyatın mənası onda olar ki, Məni sevəndə də lap uşaq sevsin.
Kim kimlə gəlməyir ortaq məxrəcə, Zəifi salırlar qəfəs, məhbəsə, Düzgün danışmaq da yasaq hər kəsə, Yazıq dillər nə cür danışmaq sevsin.
Qonşum tutulubdu dərdə, mərəzə, Yanaşa da bilmir həkim Əvəzə, Dərdə çarə tapmaq müşkül məsələ, Adam ölür necə yaşamaq sevsin.
Düz oğlu, düzlərdən gətirib sitat, Yatanı yuxudan sən özün oyat, Cənublu balası, daim yaz-yarat, Səni nəslin kimi yurd, torpaq sevsin.
[08:42, 23.10.2023] Djb 2: Qurani kərim
Əzəl gündən kömək oldu bizlərə, İnanmaq lazımdı möcüzələrə. Nur gətirdi neçə-neçə gözlərə, Allahın kitabı, Qurani kərim.
Tanrının bizimçün ərmağanıdı, O islam dininin, müsəlmanındı. Bizi unutmayan Yaradanındı, Allahın kitabı, Qurani kərim.
Müsəlman əhliyik dildə duamız, Dua hesabına isti yuvamız. Sənlə bərqərardı gözəl dünyamız, Allahın kitabı, Qurani kərim.
Sildin ürəklərdən kədəri,qəmi, Ayələrin verdi dərdə məlhəmi. Pənah gətirənin dostu, kimsəsi, Allahın kitabı, Qurani kərim.
Neçə müharibə qarşısı aldın, Gücünlə hər yanda qələbə çaldın. Nurlu insanların yanında oldun, Allahın kitabı, Qurani kərim.
Səni götürəndə əlimə hər an, Ən müşkül işlərim olur çox asan. Ruhsuza ruh verən, cansıza da, can, Allahın kitabı, Qurani kərim.
