“Bu gün haqqımda çıxan xəbərə ironiya ilə baxıram”.
Bunu KONKRET.az-a açıqlamasında iki oğlunun təhsili ilə bağlı çıxan xəbərə münasibət bildirərkən deputat Rüfət Quliyev deyib.
O, son dövrlər bir çox qurumları tənqid etdiyini bildirib:
“Təəssüf ki, onlar mənim tənqidimi təhqir kimi qəbul edirlər, bu yolla susdurmağa çalışırlar. Amma məni susdurmaq qeyri-mümkündür. Cənab prezident deputatlara tapşırıq verib ki, harada nöqsan gördünüzsə, səsləndirin və təkliflərinizi irəli sürün. Niyə bəzi insanlar tənqidi təhqir kimi qəbul edirlər”.
Rüfət Quliyev heç kimi təhqir etmədiyini vurğulayıb:
“Sadəcə təkliflərimi irəli sürürəm. Mən haqqımda çıxan məlumatlara ironiya ilə baxıram. Xəbərdə rəqəmlər çox şişirdilib”.
Oxunub: 618
