Bakı Dövlət Universitetinin (BDU) Ekologiya və torpaqşünaslıq fakültəsinin Coğrafi ekologiya kafedrasının dosenti Allahverdi Doluxanov vəfat edib.
BDU-dan APA-ya verilən məlumata görə, iyunun 22-də 69 yaşında dünyasını dəyişən A.Dolxanov 1976-1981-ci illərdə Rostov vilayəti Novoçerkassk şəhərində Mühəndis Melioratorlar İnstitutunun Meşə təsərrüfatı fakültəsində təhsil alıb. 1987-1991-ci illərdə Moskva Ümumittifaq Elmi tədqiqat Meşə təsərrüfatı və Meşə mexanizasiya İnstitutunda “Genetika, seleksiya və yaşıllaşdırma” ixtisasında aspiranturada təhsil alıb. "Aqroekologiya", "Regionların sosial-iqtisadi inkişafının ekoloji əsasları", "Meşəçilik və meşə ekologiyası" fənlərini tədris edib.
2002-ci ildən BDU-da çalışan A.Doluxanov 2019-cu ildə Bakı Dövlət Universitetinin 100 illiyi (1919-2019) Azərbaycan Respublikasının yubiley medalı ilə təltif olunub.
Qeyd edək ki, A.Doluxanov 2005-2011-ci illərdə Xankəndi Dairə Seçki Komissiyasının sədri olub.
Oxunub: 486
