Bakıda keçiriləcək Avropa Liqasının final oyunu ilə əlaqədar Bakı Nəqliyyat Agentliyi (BNA) gücləndirilmiş iş rejiminə keçib.
Djb.az-in ONA-ya istinadən məlumatına gorə, bunu bu gün keçirilən BNA-nın mətbuat xidmətinin rəhbəri Mais Ağayev deyib. Onun sözlərinə görə, qurum mayın 20-dən 30-dək gücləndirilmiş rejimdə çalışacaq: "Martın 19-da koordinasiya şurası yaradılıb. Şuraya Bakı Nəqliyyat Agentliyi rəhbərlik edir. Yarış ərəfəsində azarkeşlərin rahat və təhlükəsiz daşınmasını təmin etmək üçün 12 məntəqədə 450-yə yaxın avtobus fəaliyyət göstərəcək".
O qeyd edib ki, Bakı Hava Limanına çarter reysi ilə gələn "Çelsi" və "Arsenal" azarkeşləri üçün 40 marşrut avtobusu ayrılıb.
