Azərbaycan Respublikasının Prezidenti yanında QHT-lərə Dövlət Dəstəyi Şurasının maliyyə yardımı ilə "Şəfəq Ekoturizm" İB tərəfindən 25-26 avqust tarixlərində icra edilən "Aqroturizmin inkişafı üçün məşğulluğun artırılmasına dəstək" layihəsi çərçivəsində 2 günlük infotur başa çatdı. Ölkənin 8 rayonunu təmsil edən 18 nəfər ictimai-fəal gəncə Bələdçilik etdim.
İnfoturun 1-ci günü iştirakçılar Lənkəran rayonunda Xanbulan gölünə, çay plantasiyasına, plantasiyada çay yığımında iştirak etmiş, barama saxlama fəaliyyətilə tanış olmuş, bambuk meşəliyi və bambukdan hazırlanan sənət əşyaları ilə tanış olmuşlar.
İnfoturun 2-ci günü isə iştirakçılar Astara rayonunun Miki kəndinə səfər etmiş, oradakı arıçılıq təsərrüfatlı ilə tanış olmuş, bu sahədə ətraflı məlumat əldə etdikdən sonra təsərrüfat sahibi tərəfindən təbii şəkildə kəsilmiş bal məhsulundan istifadə etmişlər.Burada sitrus bağlarına baş çəkdikdən sonra Ərçivan Qəs. "Yanar Bulaq" və çəltik dəyirmanının fəaliyyətilə tanış olmuş burada təbii Astara düyü məhsullarından alış etmişlər.Sonra Astarada yeni salınmış bülvarın ərazisi ilə tanış olmuşlar.
Asim Yusifov
Oxunub: 754
