“Azərbaycan ərazilərini azad edəndən sonra nəqliyyat, ticarət sahələrində həqiqi regional əməkdaşlığın və sabitliyin inkişafı üçün real imkan yaranıb”.
Djb.az report-a istinadən xəbər verir ki, bunu Türkiyənin Gürcüstandakı səfiri Fatma Ceren Yazqan “Diplomat” jurnalına müsahibəsində deyib.
Onun sözlərinə görə, 30 ildən sonra yaranan fürsətlər yaxşı imkandır: “Hesab edirəm ki, region ölkələri bu imkanlardan faydalanmaq istəyəcək”.
F.C.Yazqan bildirib ki, bölgədə sabitlik, əmin-amanlıq və firavanlıq təmin edilməlidir: “Bu regiondakı bütün uşaqlar daha yaxşı gələcəyə layiqdirlər. Onların gələcəkləri fərqli olacaq, lakin bunun üçün özül yaratmaq bizim işimizdir”.
Oxunub: 345
