Ermənistanda kənd yerlərində təhsilin keyfiyyəti olduqca aşağıdır.
Yeniavaz.com xəbər verir ki, bu barədə məlumat "Açıq Cəmiyyət İnstitutu-Ermənistan" (Soros Fondu) təşkilatı tərəfindən açıqlanıb.
Açıqlanan məlumatlara görə, Ermənistandakı məktəblərin təxminən yarısının ( 48,6% və ya 675 məktəb) təmirə ehtiyacı var. Paytaxt İrəvanda 111 məktəbin, regionlarda isə 564 məktəb təmirsizdir. Ermənistandakı 153 məktəbin tualeti yoxdur. Tualeti olmayan məktəblərin 19%-i Geğarkunik (Göyçə),18,2%-i Armavir (Sərdarabad), 17,3%-i isə Tavuş bölgəsində yerləşir.
Ölkə ərazisindəki 8 məktəbdə isə istilik yoxdur. Bunların hamısı regionlarda yerləşir: Şirak bölgəsində (Amasiya) 4, Araratda (Vedi, Masis) 2, Syunikdə (Zəngəzur) 1, Loridə (Loru) 1 məktəbin istilik sistemi yoxdur.
Oxunub: 781
