Son 5 ildə Hesablama Palatası tərəfindən 69 milyon 501,9 min manat məbləğində vəsait dövlət büdcəsinə bərpa edilib.
ONA-nın məlumatına görə, bu, Hesablama Palatasının 2018-ci ildə fəaliyyəti barədə Milli Məclisə təqdim olunan hesabatda əksini tapıb.
Sənəddə Hesablama Palatası tərəfindən son 5 ildə dövlət təşkilatlarının, Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun (DSMF) büdcəsinə bərpa edilən vəsaitlərin də həcmi açıqlanıb. Son 5 ildə 2 milyon 236,2 min manat dövlət təşkilatlarının, 2 milyon 636,1 min manat DSMF-nin büdcəsinə bərpa edilib. Ümumilikdə Hesablama Palatası son 5 ildə 72 milyon 138 min manat məbləğində vəsaitin bərpasını təmin edib.
